• Bozketa epea zabalik egongo da 2026ko uztailaren 22ra arte, egun hori barne.
• Okondoko bizilagunek aurrez aurre parte hartu ahal izango dute Udaletxean edo honako estekaren bidez: https://egoitza.araba.eus/es/-/eleccion-de-propuestas-votaciones-populares
• Udalak herritarrak animatu nahi ditu prozesu parte-hartzaile honetan parte hartzera, Okondoko “kirol gune berria” proiektuaren aldeko botoa emanez.

Okondoko Udalak herritarrei jakinarazi nahi die dagoeneko zabalik dagoela aurrekontu parte-hartzaileetako proposamenak aukeratzeko herri-bozketan parte hartzeko epea. Herritar guztiak animatzen ditugu udalerriko bizilagun batek proposatutako Okondoko “kirol gune berria” proiektuaren aldeko botoa ematera.

Aiaraldeko bizilagunek 2026ko ekainaren 22tik uztailaren 22ra arte, biak barne, eman ahal izango dute botoa. Pertsona bakoitzak boto bakarra eman ahal izango du; beraz, boto bat baino gehiago emanez gero, boto guztiak baliogabetzat joko dira.

Bozketan parte hartu ahal izango dute Aiaraldean erroldatuta dauden eta 16 urtetik gorakoak diren pertsonek, 2.000 biztanletik beherako udalerrien kategoriaren barruan.

Bozketa bi modutan egin ahal izango da:

Aurrez aurre: Interesa duten pertsonek Okondoko Udaletxera joan ahal izango dute, bertan boto-orriak jaso, bete eta ezarritako jarraibideen arabera entregatzeko.

Telematikoki: Halaber, Arabako Foru Aldundiaren egoitza elektronikoan gaitutako formularioaren bidez parte hartu ahal izango da, identifikazio elektronikoko sistema erabiliz:
https://egoitza.araba.eus/es/-/eleccion-de-propuestas-votaciones-populares

Herritarren parte-hartzea funtsezkoa da zein proposamen gauzatuko diren erabakitzeko. Okondoko Udalak baldintzak betetzen dituzten pertsona guztiak animatzen ditu prozesu honetan parte hartzera.

Galdetegia deskargatu